Կրեսպո. Ֆրանսիա - Արգենտինա դիմակայությունում ֆավորիտ են ֆրանսիացիները

Մենք հրաշալի գիտակցում ենք, որ առաջիկա դիմակայությունում ֆավորիտը Ֆրանսիան է, ասել է Արգենտինայի հավաքականի նախկին հարձակվող Էրնան Կրեսպոն՝ խոսելով Ռուսաստանում ընթացող աշխարհի առաջնության 1/8 եզրափակիչի Ֆրանսիա - Արգենտինա հանդիպման մասին:

«Հույս ունեմ, որ Նիգերիայի նկատմամբ հաղթանակը թույլ կտա մեր թիմին ազատվել ավելորդ լարվածությունից: Վստահ եմ՝ Մեսին կանի հնարավոր ամեն ինչ, որպեսզի Արգենտինան դուրս գա քառորդ եզրափակիչ: Լեոն առանձնահատուկ ֆուտբոլիստ է, որն ավելի վտանգավոր է դառնում պատասխանատու հանդիպումներում»,- Կրեսպոյի խոսքը մեջբերում է championat.com-ը:

Ֆրանսիա - Արգենտինա հանդիպումը տեղի կունենա հունիսի 30-ին Կազանում: