Մադրիդի «Ռեալի» և Խորվաթիայի հավաքականի կիսապաշտպան Մատեո Կովաչիչը խոսել է իր ապագայի մասին։ Ֆուտբոլիստը ակնարկել է, որ ցանկանում է փոխել ակումբային գրանցումը։
«Ես ցանկանում եմ ավելի շատ խաղաժամանակ ստանալ «Ռեալում», քանի որ սիրում եմ ֆուտբոլը։ Միևնույն ժամանակ հասկանում եմ, որ այդ ակումբում բարդ է խաղալ հիմնական կազմում։ Ավելի լավ կլինի տեղափոխվեմ այնպիսի ակումբ, որտեղ ավելի շատ ժամանակ կստանամ։
Հաճույք եմ ստացել «Ռեալում» անցկացրած ժամանակահատվածից, սակայն երջանիկ չեմ, քանի որ հաղթանակներում իմ ավանդը չկա։ 3 տարի այդ ակումբում եմ ու չեմ խաղում, դա նաև ազդեց հավաքականում իմ կարգավիճակի վրա»,- Կովաչիչի խոսքն է փոխանցում marca-ն։
Կովաչիչը այժմ Խորվաթիայի հավաքականի կազմում մասնակցում է Ռուսաստանում ընթացող ԱԱ-ին։ Խորվաթներն արդեն ապահովել են իրենց տեղը 1/8 եզրափակիչում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։