Իսլանդիայի հավաքականի եւ «Բարսելոնայի» նախկին հարձակվող, 39-ամյա Էյդուր Գուդյոնսենի երկու որդիները կմարզվեն եւ կխաղան Մադրիդի «Ռեալի» ակադեմիայում, հաղորդում է իսպանական Marca-ն։ 16-ամյա Անդրի Գուդյոնսեը կդառնա Juvenil թիմի, 12-ամյա Դանիել Գուդյոնսենը՝ Infantil B-ի խաղացող։
Գուդյոնսենի ավագ որդին մարզվել է «Էսպանյոլի» դպրոցում, կրտսեր որդին՝ «Բարսելոնայի» ակադեմիայում։
«Բարսելոնան» փորձել է հրավիրել նաեւ Գուդյոնսենի ավագ որդուն, սակայն «Ռեալի» առաջարկն ավելի լավն է եղել, եւ ամբողջ ընտանիքը տեղափոխվել է Իսպանիայի մայրաքաղաք։
Գուդյոնսենը «Բարսելոնայում» հանդես է եկել 2006-2009 թվականներին, դարձել է Իսպանիայի չեմպիոն (2009), Իսպանիայի գավաթակաիր (2009), Իսպանիայի կրկնակի սուպերգավաթակիր (2006, 2009), Չեմպիոնների լիգայի հաղթող (2009), Եվրոպայի սուպերգավաթակիր (2009)։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։