ԱԱ-2018․ Խորվաթիան խոշոր հաշվով հաղթեց Արգենտինային և նվաճեց 1/8 եզրափակիչի ուղեգիր (տեսանյութ)  

Ռուսաստանում ընթացող ֆուտբոլի աշխարհի առաջնության խմբային փուլի երկրորդ տուրում Խորվաթիան հաղթեց Արգենտինային։

Նիժնի Նովգորոդում կայացած խաղում գրանցվեց 3։0 հաշիվը։ Խորվաթների կազմում հաշիվը բացեց Անտե Ռեբիչը։ Հարձակվողն օգտվեց Վիլի Կաբալերոյի կոպիտ սխալից։

80-րդ րոպեին էլ արդյունավետությամբ աչքի ընկավ Խորվաթիայի հավաքականի ավագ, Մադրիդի «Ռեալի» կիսապաշտպան Լուկա Մոդրիչը։

Մրցավարի կողմից ավելացրած ժամանակում էլ վերջնահաշիվ ձևակերպեց Իվան Ռակիտիչը։

Այս հաղթանակի շնորհիվ Խորվաթիան նվաճեց 1/8 եզրափակիչի ուղեգիր։ Արգենտինան 2 խաղից հետո ունի 1 միավոր։ D խմբի մյուս խաղում, հունիսի 22-ին Իսլանդիան կհանդիպի Նիգերիային։

ԱԱ-2018, D խումբ

Արգենտինա - Խորվաթիա՝ 0։3 (տեսանյութ)

Անտե Ռեբիչ, 53, Լուկա Մադրիչ, 80, Իվան Ռակիտիչ, 90+1

Արգենտինա․ Կաբալյերո, Տալյաֆիկո, Մերկադո, Օտամենդի, Մասկերանո, Սալվիո (Պավոն, 56), Պերես (Դիբալա, 68), Մեսա, Ակունյա, Ագուերո (Իգուաին, 54), Մեսի։

Խորվաթիա․ Սուբաշիչ, Վրսալկո, Ստրինիչ, Լովրեն, Վիդա, Բրոզովիչ, Ռակիտիչ, Մոդրիչ, Պերիշիչ (Կովաչիչ, 82), Ռեբիչ (Կրամարիչ, 57), Մանջուկիչ (Չորլուկա, 90+2)։

NEWS.am-ում աշխարհի առաջնության լուսաբանման գլխավոր գործընկերն է TotoGaming-ը:

Ժամանակն է սկսել նոր հաղթանակների ուղին TotoGaming-ի հետ։

Առաջին քայլը կօգնի անել Ողջույնի բոնուսը։

Դուք կստանաք 2000 Դ FreeBet պարզապես գրանցվելով www.totogaming.am կայքում։

Մանրամսները․ www.totogaming.am 

Օրվա հավանական հաղթող խաղադրույքներին կարող եք ծանոթանալ TotoExpert.am–ում։

Լուսաբանման գործընկերն է Ucom-ը: 

Այս ամառ Ռուսաստանում ինտերնետն ընդամենը 15 դրամ:
Ընդամենը 15դրամ/ՄԲ ռոմինգում ևս 42 երկրում:
Ucom. Ձեր հանգստի օպերատորը: Մանրամասները՝ այստեղ։