Ուրուգվահայ հարձակվող Դիեգո Ռոսի Մարաշլյանը շարունակում է արդյունավետ խաղ ցուցադրել ՄԼՍ-ը ներկայացնող «Լոս Անջելեսում»։
ԱՄՆ-ի գավաթի խաղարկության 1/16 եզրափակիչում «Լոս Անջելեսը» 3։2 հաշվով առաելության է հասել «Սակրամենտոյի» նկատմամբ եւ դուրս է եկել քառորդ եզրափակիչ Ամբողջ հանդիպումն անցկացրած 20-ամյա Մարաշլյանը դարձել է գոլի եւ գոլային փոխանցման հեղինակ։ Նա ճանաչվել է հանդիպման լավագույն խաղացող։
ՄԼՍ-ի ընթացիկ մրցաշրջանի 14 հանդիպումներում Մարաշլյանը խփել է 5 գոլ, կատարել նույնքան գոլային փոխանցում։
Ուրուգվայի երիտասարդական հավաքականում հանդես եկած Մարաշլյանը «Լոս Անջելես» է տեղափոխվել 2018թ․ հունվարին «Պենյարոլից»։
Հունիսի 7-ին տեղի ունեցած ասուլիսում Հայաստանի հավաքականի գլխավոր մարզիչ Վարդան Մինասյանը նշել էր, որ Հայաստանի ֆուտբոլի ֆեդերացիան բանակցում է Մարաշլյանի հետ հավաքականի հրավիրելու հարցով։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։