Ռոնալդու. Այծի մորուքս չեմ սափրի մինչեւ առաջնության ավարտը
11:46 21 հունիսի, 2018Պորտուգալիայի հավաքականի եւ Մադրիդի «Ռեալի» հարձակվող Կրիշտիանու Ռոնալդուն կպահի այծի մորուքը, որը չի սափրում Իսպանիայի հավաքականի հետ հանդիպումից հետո:
«Իսպանացիների դեմ խաղից առաջ թիմակիցներիս կատակով ասացի, որ մորուքս չեմ սափրի, եթե գոլ խփեմ: Երկրորդ խաղում եւս աչքի ընկա: Կարծում եմ՝ մորուքս հաջողություն է բերում եւ մինչեւ առաջնության ավարտը չեմ սափրի»,- Ռոնալդուի խոսքը մեջբերում է A Bola-ն:
Հիշեցնենք, որ Ռոնալդուի գոլը 1:0 հաշվով հաղթանակ բերեց Պորտուգալիայի Մարոկկոյի նկատմամբ խմբային փուլի երկրորդ տուրում: Իսպանիայի դեմ խաղում (3:3) Ռոնալդուն դարձել էր հեթ-տրիկի հեղինակ: Ռոնալդուն 4 գոլով աշխարհի առաջնության լավագույն ռմբարկուն է:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.