Սամվել Գեւորգյան. Եթե Պատրիկեեւը լիներ պաշտպանությունում, ապա կհաղթեր
18:52 6 օգոստոսի, 2012«Յուրի Պատրիկեեւը մեկնարկային բարդ գոտեմարտ անցկացրեց օլիմպիական չեմպիոն Խասան Բարոեւի հետ, այդ պատճառով էլ երկրորդ գոտեմարտում դժվարացավ»: Այդ մասին NEWS.am Sport-ի թղթակցի հետ զրույցում ասաց Պատրիկեեւիի անձնական մարզիչ Սամվել Գեւորգյանը։
Հիշեցնենք, որ Հայաստանի ներկայացուցիչ Յուրի Պատրիկեեւը Լոնդոնի Օլիմպիական խաղերի հունահռոմեական ոճի ըմբշամարտի 120 կգ քաշայինների 1/8 եզրափակիչում պարտվեց Իրանի ներկայացուցիչ Բաշիր Ասգարի Բաբաջանզադե Դարզինին `0։1, 1։0, 0։2 հաշվով:
«Յուրան երրորդ մրցափուլում գլորում հնարքում զիջեց մրցակցին: Իրանցին ոտքով փորձեց պաշտպանվել: Մենք բողոքարկեցինք մրցակցի ոտքը բարձրացնելու համար, չընդունեցին մեր բողոքարկումը: Ոտքը բարձրացնել չի կարելի: Ամեն ինչ ժյուրիի ձեռքում էր:
Եթե վիճակն ընկներ Բաբաջանզադեին, ապա մենք կհաղթեինք, քանի որ Յուրին պաշտպանությունում շատ լավ է հանդես գալիս:
Առաջին գոտեմարտում Յուրին հրաշալի հանդես եկավ, չնայած որ նրա մրցակիցը` 2004թ. օլիմպիական չեմպիոն, ռուսաստանցի Խասան Բարոեւը շատ ուժեղ էր: Այս գոտեմարտը բարդ էր, դրա համար երկրորդ գոտեմարտում Յուրին մի փոքր դժվարացավ: Բայց կրկնում եմ՝ եթե վիճակահանության արդյունքում մենք լինեինք պաշտպանությունում, հաղթանակը մերը կլիներ: Իսկ մեր բողոքարկումը շարունակելու իմաստ չկա»,- ասաց Սամվել Գեւորգյանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.