Անտուան Գրիզմանը նոր պայմանագիր կնքեց «Աթլետիկոյի» հետ

Մադրիդի «Աթլետիկոն» պաշտոնական կայքում հայտնել է Ֆրանսիայի հավաքականի հարձակվող Անտուան Գրիզմանի հետ նոր պայմանագիր կնքելու մասին: Այն նախատեսված է մինչեւ 2023 թվականը:

Պայմանագիրը իսպանական ակումբի հետ երկարաձգել է նաեւ պաշտպան Լուկա Էրնանդեսը՝ մինչեւ 2024 թվականը:

«Աթլետիկոն» պայմանագիր է կնքել նաեւ «Մոնակոյից» տեղափոխված կիսապաշտպան Տոմա Լեմարի հետ: Նրա պայմանագիրն ուժի մեջ կմտնի «Աթլետիկոյում» բուժզննում անցնելուց հետո:

Երեք ֆուտբոլիստներն էլ Ֆրանսիայի հավաքականի կազմում մասնակցում են Ռուսաստանում ընթացող աշխարհի առաջնությանը: Հաջորդ հանդիպումը Ֆրանսիայի թիմը կանցկացնի հունիսի 21-ին: Մրցակիցը Պերուի հավաքականն է:

Grandes noticias desde Rusia. @AntoGriezmann ha firmado su renovación hasta 2023, @LucasHernandez hasta 2024 y Lemar su contrato #AúpaAtleti https://t.co/f1wjstCtj6 pic.twitter.com/vgRN0pture

— Atlético de Madrid (@Atleti) 18 июня 2018 г.