Պորտուգալիայի հավաքականի դարպասապահը պայմանագիր ստորագրեց ԱՊԼ-ի նորեկի հետ
23:15 18 հունիսի, 2018Պորտուգալիայի հավաքականի դարպասապահ Ռուի Պատրիսիուն կարիերան կշարունակի անգլիական «Վուլվերհեմփթոնի» կազմում, հայտնում է ակումբի պաշտոնական կայքը։
«Վուլվերհեմփթոնի» հետ, որը հաջորդ մրցաշրջանում հանդես է գալու Պրեմիեր լիգայում, 30-ամյա դարպասապահը կնքել է 4 տարվա պայմանագիր։
Պատրիսիուի նախորդ թիմը Լիսաբոնի «Սպորտինգն» էր։ Անցած մրցաշրջանի վերջում տարաձայնություններ եղան պորտուգալական ակումբի նախագահի և ֆուտբոլիստների միջև։ Բախում տեղի ունեցավ նաև երկրպագուների հետ, ինչից հետո թիմի առաջատարները սկսեցին խզել պայմանագրերը։
Ռուի Պատրիսիուն այժմ Պորտուգալիայի հավաքականի կազմում մասնակցում է Ռուսաստանում ընթացող աշխարհի առաջնությանը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։