Grand Chess Tour․ Լևոն Արոնյանը գրավեց 5-րդ տեղը
00:08 17 հունիսի, 2018Բելգիայում ավարտվեց Grand Chess Tour շարքի Լյովենի փուլը։ Կայծակնային խաղի մրցաշարի 18 տուրից հետո հայկական շախմատի առաջատար Լեւոն Արոնյանը 36 հնարավորից վաստակեց 20․5 միավոր եւ գրավեց 5-րդ տեղը։
Մրցաշարի հաղթող դարձավ ամերիկացի Ուեսլի Սոն է, որը վաստակեց 22 միավոր։ Երկրորդից չորրորդ տեղերը գրավեցին Կարյակինը (21.5), Վաշիե-Լագրավը (21.5) և Նակամուրան (21)։
Կայծակնային շախմատում Արոնյանը հաղթանակով ավարտեց 6 պարտիա, պարտվեց 5-ում, իսկ ոչ ոքի խաղաց 7-ում։
Հիշեցնենք, որ արագ շախմատում Լեւոն Արոնյանը հաղթել էր ամերիկացի Հիկարու Նակամուրային, հոլանդացի Անիշ Գիրիին, ամերիկացի Ֆաբիանիո Կարուանային, ոչ ոքի է խաղացել ռուսաստանցի Ալեքսանդր Գրիշչուկի, հնդիկ Վիշվանաթան Անանդի, Շաքրիյար Մամեդյարովի եւ Ուեսլի Սոյի և Մաքսիմ Վաշիե-Լագրավի։ Միակ պարտությունը կրել էր Սերգեյ Կարյակինից։
Գերմրցաշարում հանդես եկան Լևոն Արոնյանը (Հայաստան), Ֆաբիանո Կարուանան (ԱՄՆ), Շահրիյար Մամեդյարովը (Ադրբեջան), Մաքսիմ Վաշիե-Լագրավը (Ֆրանսիա), Անիշ Գիրին (Հոլանդիա), Սերգեյ Կարյակինը (Ռուսաստան), Ուեսլի Սոն (ԱՄՆ), Հիկարու Նակամուրան (ԱՄՆ), Ալեքսանդր Գրիշչուկը (Ռուսաստան) և Վիշվանաթան Անանդը (Հնդկաստան):
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։