Հայաստանի չեմպիոն «Ալաշկերտն» առաջին ստուգողական հանդիպումն անցկացրեց ամառային նախապատրաստական փուլի ընթացքում:
Հանքավանում կայացած խաղում ալաշկերտցիները կամային հաղթանակ տարան «Գանձասար-Կապանի» նկատմամբ` 3:1, հայտնում է «Ալաշկերտի» մամուլի ծառայությունը:
«Գանձասար-Կապանի» կազմում հաշիվը բացեց Վարդան Պողոսյանը։ «Ալաշկերտի» կազմում դուբլ ձևակերպեց Միհրան Մանասյանը, ևս մեկ գոլ հեռահար հարվածով հեղինակեց Արտակ Եդիգարյանը:
Նշենք, որ «Ալաշկերտին» միացած լեգեոներներից խաղին մասնակցեց միայն սերբ Օգնյեն Չանչարևիչը։ Բացակայում էր նաև Արթուր Եդիգարյանը:
«Ալաշկերտի» մարզչական շտաբը փորձարկեց մի քանի պոտենցիալ նորեկների:
Հունիսի 23-ին «Ալաշկերտը» ստուգողական հանդիպում կանցկացնի «Բանանցի» հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։