Երևանի «Բանանցը» պայմանագիր է ստորագրել ուկրաինացի ֆուտբոլիստ Դմիտրո Խովբոշայի հետ:
««Բանանցում» վաղուց էի ցանկանում խաղալ: Երբ հանդես էի գալիս «Ալաշկերտում», խնդրում էի, որ թույլ տան տեղափոխվեմ «Բանանց»: Բաց չթողեցին, սակայն ժամանակը, ինչպես տեսնում եք, ինձ բերեց այստեղ: Շնորհակալ եմ «Բանանցի» մարզիչներին, որ հավատում են ինձ և հուսով եմ, որ այստեղ ցույց կտամ իմ լավագույն որակները և չեմպիոն կդառնանք:
«Բանանցում» խելահեղ լավ պայմաններ են, ամեն ինչ հիանալի է, և ես պարզապես երջանիկ եմ»,- Խովբոշայի խոսքն է փոխանցում «Բանանցի» պաշտոնական կայքը։
29-ամյա պաշտպանը 2017/18 մրցաշրջանի երկրորդ հատվածն անցկացրել է ուկրաինական «Ավանգարդում», իսկ մինչ այդ եղել է «Ալաշկերտի» ֆուտբոլիստ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։