NEWS.am Sport-ը՝ Ռուսաստանից. Սոչիի ֆան գոտին բացեց իր դռները (ֆոտո)

Սոչիում հունիսի 14-ին պաշտոնապես բացվեց ֆուտբոլի աշխարհի առաջնության ֆան գոտին, որը նախատեսված է երկրպագուների համար, Սոչիից փոխանցում է NEWS.am Sport-ի թղթակից Դավիթ Եղիազարյանը:

Սոչիի ֆան գոտին գտնվում է ծովափին՝ քաղաքի գլխավոր նավահանգստի անմիջապես հարեւանությամբ: Երեւանի ժամանակով 18:15-ին կսկսվի ֆան գոտու բացման արարողությունը, ինչից հետո մեծ էկրանի վրա կցուցադրվի Ռուսաստան - Սաուդյան Արաբիա ԱԱ-2018-ի բացման խաղը: Այդ հանդիպումից հետո ֆան գոտում հանդես կգա նաեւ իտալացի հայտնի DJ Բենի Բենասին:

Ֆան գոտում մեծ էկրանի վրա ցուցադրվելու են աշխարհի առաջնության բոլոր հանդիպումները: Այս տարածքում կան խաղասրահներ, լրագրողների համար նախատեսված սրահ, բուժկետ, ԱԱ-2018-ի պաշտոնական խանութն ու սննդի կետեր: Ֆան գոտի կարող են մուտք գործել բոլոր ցանկացողները:

Սոչիի ֆան գոտում կլինեն Գերմանիայի, Պորտուգալիայի, Իսպանիայի, Բելգիայի, Շվեդիայի, Ավստրալիայի, Պերուի, Պանամայի հավաքականների ֆանատները, ինչպես նաեւ այլ երկրպագուներ: Հաշվի առնելով, որ Սոչիում են գտնվում Բրազիլիայի եւ Լեհաստանի հավաքականի մարզաբազաները, քաղաքում կլինեն նաեւ այդ թիմերի երկրպագուները:

Հիշեցնենք, որ Սոչիի «Ֆիշտ» ստադիոնում անցկացվելու են ԱԱ-2018-ի խմբային փուլի 4 հանդիպումներ՝ Պորտուգալիա – Իսպանիա (հունիսի 15), Բելգիա – Պանամա (հունիսի 18), Գերմանիա – Շվեդիա (հունիսի 23) եւ Ավստրալիա – Պերու (հունիսի 26): Հունիսի 30-ին Սոչիում կկայանա 1/8 եզրափակիչի հանդիպումներից մեկը, իսկ հուլիսի 7-ին քաղաքն ԱԱ-2018-ում իր առաքելությունը կավարտի քառորդ եզրափակիչի խաղով: Սոչիի իշխանությունների որոշմամբ՝ ԱԱ-2018-ի խաղերի օրերը (հունիսի 15, 18, 23, 26, 30 եւ հուլիսի 7) քաղաքում կլինեն ոչ աշխատանքային:

NEWS.am-ում աշխարհի առաջնության լուսաբանման գլխավոր գործընկերն է TotoGaming-ը:

Ժամանակն է սկսել նոր հաղթանակների ուղին TotoGaming-ի հետ։

Առաջին քայլը կօգնի անել Ողջույնի բոնուսը։

Դուք կստանաք 2000 Դ FreeBet պարզապես գրանցվելով www.totogaming.am կայքում։

Մանրամսները․ www.totogaming.am 

Օրվա հավանական հաղթող խաղադրույքներին կարող եք ծանոթանալ TotoExpert.am–ում։

Լուսաբանման գործընկերն է Ucom-ը: 

Այս ամառ Ռուսաստանում ինտերնետն ընդամենը 15 դրամ:
Ընդամենը 15դրամ/ՄԲ ռոմինգում ևս 42 երկրում:
Ucom. Ձեր հանգստի օպերատորը: Մանրամասները՝ այստեղ։