Երևանի «Բանանցը» պայմանագիր է կնքել 22-ամյա նիգերիացի կիսապաշտպան Սոլոմոն Իմե Ուդոյի հետ:
Սոլոմոն Ուդոն իր կարիերայի ընթացքում հանդես է եկել սենեգալյան «Ասպիր Ակադեմիայում», բելգիական «ԿԱՍ Էուփենում», Երևանի «Ուլիսում» և Գյումրու «Շիրակում»:
«Այստեղ պետք է ողջ ուժերս ներդնեմ, որպեսզի նպաստեմ թիմի առաջընթացին, որպեսզի կարողանանք նվաճել չեմպիոնի կոչումը»,- նշել է Սլոմոն Իմե Ուդոն՝ «Բանանցի» հետ պայմանագիր ստորագրելուց հետո:
«Սոլոմոն Իմե Ուդոյի հնարավորություններին քաջ ծանոթ եմ Հայաստանի առաջնությունում իր ելույթներից: Նա աչքի է ընկնում բացարձակ կարգապահությամբ և հստակ կատարում է մարզչական առաջադրանքները: Լավ ֆուտբոլային դպրոց անցած երիտասարդ ֆուտբոլիստ է և շատ կարևոր է, որ նա ադապտացված է Հայաստանի առաջնությանը»,- ասել է «Բանանցի» գլխավոր մարզիչ Արամ Ոսկանյանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։