Մադրիդի «Ռեալը» պատրաստ է վաճառել Ռոնալդուին  

10:55   9 հունիսի, 2018

Մադրիդի «Ռեալը» պատրաստ է վաճառել թիմի պորտուգալացի հարձակվող Կրիշտիանու Ռոնալդուին, հաղորդում է El Mundo-ն։

Աղբյուրը հայտնում է, որ 33-ամյա ֆուտբոլիստի հրաժարագինը կազմում է 1 միլիարդ եվրո, սակայն արքայական ակումբի ղեկավարությունը պատրաստ է նրան վաճառել 200 միլիոն եվրոյով։

Պորտուգալիայի հավաքականի ավագով հետաքրքրված են ՊՍԺ-ն, «Մանչեսթեր Յունայթեդը», «Բավարիան» և «Յուվենտուսը»։

Ռոնալդուի գործող պայմանագիրն ավարտվում է 2021 թվականին։ Անցած մրցաշրջանում հարձակողը 44 խաղում դարձավ 44 գոլի և 8 գոլային փոխանցման հեղինակ։

 

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։