Մադրիդի «Ռեալի» գլխավոր մարզիչի 3 թեկնածուներ
15:55 6 հունիսի, 2018Զինեդին Զիդանի հեռանալուց հետո Մադրիդի «Ռեալը» դիտարկում է գլխավոր մարզիչի մի քանի թեկնածուների։ AS-ի տվյալներով, Արքայական ակումբի առաջարկը չեն ընդունել Մաուրիսիո Պոչետինոն, Յոահիմ Լյովը, Մասիմիլիանո Ալեգրին, Յուրգեն Կլոպը եւ Յուլիան Նագելսմանը։
Այժմ ակումբի ղեկավարությունը բանակցում է թիմի նախկին խաղացողներ Ֆերնանդո Իերոյի, Միչել Գոնսալեսի եւ Գուտիի հետ։
50–ամյա Իերոն եղել է «Ռեալին» նախկին գլխավոր մարզիչ Կարլո Անչելոտիի օգնականը 2014–2015 թվականների մրցաշրջանում։ 2016–ին նա գլխավորեց Սեգունդայի «Ռեալ Օվյեդոն», իսկ այժմ Իսպանիայի ֆուտբոլի ֆեդերացիայի մարզական տնօրենն է։
55–ամյա Միչելը «Ռեալի» երկրորդ թիմը մարզել է 2006–2007 թվականների մրցաշրջանում։ Նրա նախորդ աշխատանքը եղել է «Մալագայում», որը դուրս մնաց Պրիմերայից։
41–ամյա Գուտին «Ռեալի» մինչեւ 19 տարեկանների թիմի գլխավոր մարզիչն է։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։