«Ռոլան Գարոս». Սերենա Ուիլյամսը հրաժարվել է Մարիա Շարապովայի դեմ մրցախաղից

20:27   4 հունիսի, 2018

Աշխարհի նախկին առաջին ռակետ, «Մեծ սաղավարտի» մրցաշարերի 23-ակի չեմպիոն Սերենա Ուիլյամսը առողջական խնդիրների պատճառով հրաժարվել է շարունակել պայքարը թենիսի Ֆրանսիայի բաց առաջնությունում: Չորրորդ շրջանում նա պետք է մրցեր ռուսաստանցի Մարիա Շարապովայի հետ:

«Ցավոք, մկանների հետ խնդիրներ ունեմ, եւ դրանք խորանում են: Չեմ կարողանում նորմալ շարժվել: Բարդ է խաղալ, երբ չես կարողանում լիարժեք շարժվել: Խնդիրները սկսվեցին նախորդ մրցախաղում: Ցավեր ունեի, չէի հասկանում, թե ինչն է պատճառը: Տարբեր միջոցներ փորձեցինք, սակայն փոփոխություն չկա: Ստիպված եմ դուրս գալ պայքարից»,- Սերենա Ուիլյամսի խոսքը մեջբերում է «Ռոլան Գարոսի» մամուլի ծառայությունը:

Կիսաեզրափակիչի ուղեգրի համար Մարիա Շարապովա կմրցի իսպանացի Գարբինյե Մուգուրուսայի եւ ուկրաինացի Լեսյա Ցուրենկոյի դիմակայության հաղթողի հետ:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։