Նեյմարի վերադարձը, գոլն ու Բրազիլիայի հաղթանակը (տեսանյութ)
19:53 3 հունիսի, 2018Ֆուտբոլի աշխարհի առաջնությանը պատրաստվող Բրազիլիայի եւ Խորվաթիայի հավաքականներն ընկերական հանդիպում անցկացրին Լիվերպուլի «Էնֆիլդ» ստադիոնում: 2:0 հաշվով հաղթանակ տարավ Բրազիլիայի թիմը գլխավոր մարզիչ Տիտեի ղեկավարությամբ (տեսանյութ):
ՊՍԺ-ի եւ Բրազիլիայի հավաքականի հարձակվող Նեյմարը վնասվածքի եւ վիրահատության հետեւանքով մոտ երեք ամսվա դադարից հետո վերադարձավ խաղադաշտ: Նա փոխարինման դուրս եկավ 46-րդ րոպեին եւ գոլի հեղինակ դարձավ 69-րդ րոպեին «Բարսելոնայի» կիսապաշտպան Ֆիլիպե Կոուտինյոյի փոխանցումից հետո: Ավելացված չորրորդ րոպեին աչքի ընկավ Ռոբերտո Ֆիրմինոն: «Լիվերպուլի» հարձակվողն օգտագործեց «Ռեալի» կիսապաշտպան Կազեմիրոյի փոխանցումը:
Աշխարհի առաջնության E խմբում Բրազիլիայի մրցակիցները կլինեն Շվեյցարիան, Կոստա Ռիկան ու Սերբիան, իսկ Խորվաթիան D խմբում կմրցի Արգենտինայի, Իսլանդիայի եւ Նիգերիայի հետ:
Ընկերական հանդիպում
Բրազիլիա - Խորվաթիա՝ 2:0
Նեյմար, 69, Ռոբերտո Ֆիրմինո, 90+4
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.