Գերմանական Բունդեսլիգայի ֆուտբոլիստների կարծիքով ավարտված մրցաշրջանում լավագույն մարզիչը «Լիվերպուլը» գլխավորող Յուրգեն Կլոպն է։
Kicker-ի հարցմանը մասնակցել է 248 ֆուտբոլիստ (18 ակումբից)։ Գերմանացի մասնագետը ստացել է ձայների 35,7 տոկոսը։
Երկրորդն անգլիական «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան է (31,1 տոկոս)։
Լավագույն եռյակը եզրափակել են Մյունխենի «Բավարիայի» նախկին գլխավոր մարզիչ Յուպ Հայնկեսը, և Մադրիդի «Ռեալից» մեկ օր առաջ հեռացած Զինեդին Զիդանը։
Յուրգեն Կլոպի գլխավորությամբ անգլիական «Լիվերպուլը» առաջնությունում զբաղեցրեց 4-րդ հորիզոնականը, իսկ Չեմպիոնների լիգայում էլ հասավ եզրափակիչ, որտեղ 1։3 հաշվով պարտվեց Մադրիդի «Ռեալին»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։