Երևանում հունիսի 11-16-ը կկայանա բասկետբոլի մարզչական սեմինար, որը կվարի բուլղարացի փորձառու մասնագետ Ռոսեն Բարչովսկին, հայտնում է ՀԲՖ մամուլի ծառայությունը:
Սեմինարը կանցկացվի Հայաստանի ազգային օլիմպիական կոմիտեի և Հայաստանի բասկետբոլի ֆեդերացիայի նախաձեռնությամբ: Սեմինարին կմասնակցեն Հայաստանի տարբեր քաղաքներում աշխատող 20-ից ավելի մարզիչներ: Սեմինարը թույլ կտա բարձրացնել և զարգացնել պատանեկան բասկետբոլում աշխատող մարզիչների որակավորումը:
58-ամյա Ռոսեն Բարչովսկին երկար տարիներ աշխատել է Բուլղարիայի տարբեր տարիքային հավաքականներում և ակումբներում: Նրա գլխավորած ակումբները երկար տարիներ դարձել են Բուլղարիայի առաջնության հաղթող և գավաթակիր:
Ռոսեն Բարչովսկին բազմիցս ճանաչվել է Բուլղարիայի լավագույն մարզիչ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։