Norway Chess. Լեւոն Արոնյանը մեկնարկեց ոչ ոքիով
20:28 28 մայիսի, 2018Հայկական շախմատի առաջատար Լեւոն Արոնյանի մասնակցությամբ Նորվեգիայի Ստավանգեր քաղաքում մեկնարկեց Altibox Norway Chess սուպերմրցաշարը:
Առաջին տուրում Արոնյանը սեւերով կիսեց միավորը աշխարհի նախկին չեմպիոն, հնդիկ Վիշվանաթան Անանդի հետ: Պարտիան ավարտվեց 31-րդ քայլում։
Ոչ ոքիով է ավարտվել նաև Շաքրիյար Մամեդյարով (Ադրբեջան) - Մաքսիմ Վաշյե-Լագրավ (Ֆրանսիա) պարտիան։
Տուրի կենտրոնական պարտիայում մրցում են աշխարհի գործող չեմպիոն Մագնուս Կարլսենը եւ ԱՄՆ-ը ներկայացնող Ֆաբիանո Կարուանան:
Նախօրեին անցկացվել էր Altibox Norway Chess մրցաշարի կայծակնային խաղի մրցումը, որում հայ գրոսմայստերը 9 հնարավորից վաստակել էր 3 միավոր եւ չինացի Դին Լիրենի հետ կիսել նախավերջին եւ վերջին տեղերը:
Հիշեցնենք, որ Լեւոն Արոնյանը Norway Chess-ի գործող հաղթողն է: Norway Chess-2017-ը շախմատի պատմության մեջ մասնակիցների վարկանիշով ուժեղագույն մրցաշարն էր:
Norway Chess, առաջին տուր
Վիշվանաթան Անանդ (Հնդակստան) - Լեւոն Արոնյան (Հայաստան)՝ 0․5 - 0․5
Շաքրիյար Մամեդյարով (Ադրբեջան) - Մաքսիմ Վաշյե-Լագրավ (Ֆրանսիա)՝ 0․5 - 0․5
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։