ԱԱ-2018. Իսպանիայի հավաքականում Կարվախալին փոխարինողի գլխավոր թեկնածուն Բարտրան է
16:22 27 մայիսի, 2018Իսպանական «Բետիսի» պաշտպան Մարկ Բարտրան Իսպանիայի հավաքականում Դանիել Կարվախալին փոխարինողի գլխավոր թեկնածուն է, հաղորդում է Marca-ն: Մադրիդի «Ռեալի» պաշտպանը «Լիվերպուլի» դեմ Չեմպիոնների լիգայի եզրափակիչում (3:1) վնասվածքի պատճառով փոխարինվեց առաջին խաղակեսում: Վերջնական ախտորոշումը եւ ապաքինման ժամկետը «Ռեալը» դեռ չի հրապարակել:
Իսպանիայի հավաքականի գլխավոր մարզիչ Խուլեն Լոպետեգին հրաժարվել է «Բարսելոնայի» պաշտպան Սերխիո Ռոբերտոյին հրավիրելու մտքից եւ Կարվախալի բացակայության դեպքում, նախապատվությունը կտա Բարտրային: Վերջնական որոշումը Լոպետեգին պետք է հրապարակի մինչեւ հունիսի 4-ը:
Հունիսի 14-ից հուլիսի 15-ը Ռուսաստանի 11 քաղաքներում անցկացվելիք աշխարհի առաջնության խմբային փուլում Իսպանիայի մրցակիցները կլինեն Պորտուգալիան, Իրանը եւ Մարոկկոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։