Գեղարդ Մուսասին՝ Bellator-ի միջին քաշային կարգի չեմպիոն
10:13 26 մայիսի, 2018Հոլանդիան ներկայացնող MMA-ի (խառը մենամարտեր) հայ մարտիկ Գեղարդ Մուսասին (Մովսեսյան) Bellator-ում չեմպիոն դարձավ արդեն 2-րդ մենամարտում։
Լոնդոնի «Ուեմբլի» ստադիոնում կայացած Bellator-200 մրցաշարում Մուսասին մենամարտեց բրազիլացի Ռաֆայել Կարվալյոյի հետ, որին էր պատկանում Bellator-ի միջին քաշային կարգի չեմպիոնական գոտին։
Մենամարտը ավարտվեց առաջին ռաունդի 4-րդ րոպեին, երբ 32-ամյա հայ մարտիկի հաջողված հարձակումից հետո մարտը դադարեցվեց։ Մուսասին հաղթեց տեխնիկական նոկաուտով։
Հիշեցնենք, որ 2017-ի հոկտեմբերին Գեղարդ Մուսասին նորամուտը հաղթանակով էր նշել Bellator-ում: ԱՄՆ-ի Անկասվիլ քաղաքում տեղի ունեցած միջին քաշային կարգի մենամարտում նա մրցել էր Bellator-ի նախկին չեմպիոն, ռուսաստանցի Ալեքսանդր Շլեմենկոյի հետ եւ հաղթել մրցավարների որոշմամբ՝ 29:28:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։