Ֆրանսիայի նախագահը մտադիր է մեկնել ԱԱ-2018-ին
10:38 25 մայիսի, 2018Ֆրանսիայի նախագահ Էմանուել Մակրոնը մտադիր է ներկա լինել Ռուսաստանում կայանալիք ֆուտբոլի աշխարհի առաջնությանը: Այդ մասին Մակրոնը հայտնել է Ռուսաստանի նախագահ Վլադիմիր Պուտինի հետ հանդիպմանը, գրում է Reuters-ը:
Էմանուել Մակրոնը նշել է, որ չի կարողանա Ֆրանսիայի հավաքականին աջակցել մեկնարկային խաղերին եւ Ռուսաստան կմեկնի, եթե թիմը դուրս գա կիսաեզրափակիչ:
ԱԱ-2018-ի խմբային փուլում Ֆրանսիան մրցելու է Ավստրալիայի (հունիսի 16), Պերուի (հունիսի 21) եւ Դանիայի (հունիսի 26) հավաքականների հետ:
Հիշեցնենք, որ աշխարհի առաջնության եզրափակիչ մրցաշարը կանցկացվի հունիսի 14-ից հուլիսի 15-ը Ռուսաստանի 11 քաղաքներում՝ Մոսկվայում, Սանկտ Պետերբուրգում, Սոչիում, Կազանում, Նիժնի Նովգորոդում, Սարանսկում, Սամարայում, Դոնի Ռոստովում, Վոլգոգրադում, Կալինինգրադում եւ Եկատերինբուրգում: Աշխարհի չեմպիոնի տիտղոսը կպաշտպանի Գերմանիայի հավաքականը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.