Գևորգ Ղազարյան․ Նոր փուլ է սկսվում հավաքականի համար
01:10 24 մայիսի, 2018Ֆուտբոլի Հայաստանի ազգային հավաքականի կիսապաշտպան Գևորգ Ղազարյանը Ավանի Ֆուտբոլի ակադեմիայում անցկացրած բաց մարզումից հետո պատասխանեց լրագրողների հարցերին:
«Շատ կարևոր հանդիպումներ են, որովհետև նոր փուլ է սկսվում հավաքականի համար։ Ցանկացած խաղ շատ կարևոր է հավաքականի համար։
Մարզավիճակս բավարար է, կարծում եմ, որ կկարողանամ օգուտ տալ հավաքականին։ Վերջին շրջանում ակումբումս խաղաժամանակ ստանում էի։
Դեռ շատ քիչ ժամանակ է եղել, բայց ես շփվել եմ նորեկների հետ, շատ անմիջական տղաներ են։ Մի քիչ պորտուգալերեն հասկանում եմ, և մի քանի բառ Արարատի հետ կարողացա փոխանակել։ Պատրաստակամ ենք բոլորին օգնել, որպեսզի իրենց հարմարավետ զգան և օգտակար լինեն հավաքականին»,- ասաց պորտուգալական «Մարիտիմուի» կիսապաշտպանը։
Հիշեցնենք, որ Վարդան Մինասյանի գլխավորած թիմը պատրաստվում է Մալթայի (մայիսի 29) և Մոլդովայի (հունիսի 4) հետ ընկերական հանդիպումներին, որոնք տեղի կունենան Ավստրիայում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։