Էդգար Բաբայանի և Մոնրո Արարատի մեկնաբանությունները
00:25 24 մայիսի, 2018Ֆուտբոլի Հայաստանի ազգային հավաքականի նորեկներ Էդգար Բաբայանը և Մոնրո Արարատը Ավանի Ֆուտբոլի ակադեմիայում անցկացրած բաց մարզումից հետո պատասխանեցին լրագրողների հարցերին:
Էդգար Բաբայան («Հոբրո», Դանիա)
«Առաջին մարզումս շատ լավ անցավ, մակարդակը բարձր էր։ Թիմակիցներիս և գլխավոր մարզիչի հետ խոսել եմ, շատ լավ դիմավորել են, շատ ուրախ եմ, ամեն ինչ լավ է։ Առաջիկա հանդիպումներից հաղթանակ եմ սպասում, ես հավաքակնում նորեկ եմ, և մյուսներից պետք է խաղաոճը սովորեմ։ Հավատում եմ, որ ամեն ինչ լավ կլինի»։
Ժորդի Ժոաո Մոնրո Արարատ («Բոյակա Չիկո»,Կոլումբիա)
«Հայաստանի հավաքական հրավերս անակնկալ էր, մտածում էի, որ Կոլումբիայի հավաքականից կարող է հրավեր ստանամ։ Սա ինձ համար նոր հնարավորություն է, և ես պատրաստ եմ»։
Հիշեցնենք, որ Վարդան Մինասյանի գլխավորած թիմը պատրաստվում է Մալթայի (մայիսի 29) և Մոլդովայի (հունիսի 4) հետ ընկերական հանդիպումներին, որոնք տեղի կունենան Ավստրիայում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։