Հայ բռնցքամարտիկները ոսկե, արծաթե ու բրոնզե մեդալներ են նվաճել միջազգային մրցաշարում

16:15   22 մայիսի, 2018

Խաբարովսկում անցկացված Կոնստանտին Կորոտկովի անվան բռնցքամարտի միջազգային մրցաշարում Հայաստանի հավաքականը նվաճել է 4 մեդալ։

Գերծանր քաշային կարգում Գուրգեն Հովհաննիսյանը եզրափակիչում առավելության է հասել Ռուսաստանի ներկայացուցիչի նկատմամբ եւ դարձել մրցաշարի հաղթող։ 75 կգ քաշային Արման Դարչինյանը նվաճել է արծաթե մեդալ, իսկ 56 կգ քաշային Հենրիկ Մոքոյանն ու 91 կգ քաշային Հենրիկ Սարգսյանը դարձել են բրոնզե մեդալակիրներ։ 

Հայաստանի հավաքականը Խաբարովսկում հանդես էր գալիս մարզիչ Վահան Ադիլխանյանի գլխավորությամբ, հայտնում է ՀԲՖ մամուլի ծառայությունը:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։