Միհրան Հարությունյան. Այս հաղթանակը Հայաստանինն է

23:43   19 մայիսի, 2018

MMA-ում առաջին հաղթանակը տարած Միհրան Հարությունյանը հաղթանակը նվիրել է Հայաստանին:

«Ես շատ ծանր ու դժվար աշխատանք էի տարել այս հաղթանակի համար: Ես կարելի է ասել, այս ամբողջ ընթացքում պատրաստվել էի 15 րոպե տեւողությամբ պատերազմի: Բայց հաջություն եղավ եւ ես շատ ավելի շուտ ավարտեցի այդ պատերազմը: Շնորհակալ եմ Աստծուն եւ իմ թիմին այս հաղթանակի համար: Զգում էի նաեւ տրիբունաներից եկող մեծ աջակցությունը: Այս հաղթանակը Հայաստանինն է: Ցավում եմ, որ թույլ չտվեցին եռագույնը պահեի գլխավերեւումս հաղթանակից հետո, քանի որ օրենքներն են այդպես»,- ասել է Միհրան Հարությունյանը:

Միհրան Հարությունյանի մրցակիցը իրանցի Ալի Յուսեֆին էր, որը խառը մենամարտերում արդեն անցկացրել էր 9 մենամարտը՝ 6 հաղթանակով եւ 3 պարտությունով:

Միհրան Հարությունյանը հաղթանակ տարավ ժամանակից շուտ: Առաջին ռաունդում Միհրանը գեղեցիկ հնարքով գցում կատարեց մրցակցին եւ մինչեւ ռաունդի ավարտը հարվածաշարերով առավելության հասավ։ Երկրորդ ռաունդի մեկնարկում կրկին մրցակցին հարվածելու հնարավորություն չտվեց։ Րոպեներ անց Ալի Յուսեֆին մենամարտը կանցնեցնելու ժեստ արեց, հրաժարվելով հետագա պայքարից:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։