Միհրան Հարությունյանի նորամուտը MMA-ում (NEWS.am Sport Live)
20:58 19 մայիսի, 2018Ռիո-2016-ի օլիմպիական փոխչեմպիոն, հունահռոմեական ոճի ըմբիշ Միհրան Հարությունյանը Ռոստովի «КСК Экспресс» արենայում նորամուտը կնշի խառը մենամարտերում: NEWS.am Sport-ը ներկայացնում է Fight Nights Global-ի կազմակերպած մրցաշարը միջոցառման ուղիղ հեռարձակումը:
Հայաստանը ներկայացնող Միհրան Հարությունյանը առաջին փորձն է անում խառը մենամարտերում: Օլիմպիական խաղերից հետո Հայաստանի հավաքականի անդամն ուսի վնասվածքի պատճառով դադարեցրեց մրցելույթները հավաքականի կազմում: Որոշ ժամանակ անց օլիմպիական փոխչեմպինը հանդես եկավ խառը մենամարտերում ուժերը փորձելու ցանկության հայտարարությամբ: Միհրան Հարությունյանը պայմանագիր կնքեց Fight Nights Global պրոմոութերական ընկերության հետ եւ մայիսի 19-ին առաջին անգամ դուրս կգա MMA-ի ռինգ: Միհրան Հարությունյանի մրցակիցը իրանցի Ալի Յուսեֆին է, որը խառը մենամարտերում արդեն անցկացրել է 9 մենամարտը՝ 6 հաղթանակով եւ 3 պարտությունով:
Լուսինե Շահբազյան՝ Ռոստովից
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։