Ռոստովում մեկնարկում է Միհրան Հարությունյանի մասնակցությամբ MMA-ի երեկոն (NEWS.am Sport Live)

19:01   19 մայիսի, 2018

Ռոստովի «КСК Экспресс» արենայում մեկնարկել է Fight Nights Global-ի կազմակերպած մրցաշարը, որում իր նորամուտը կնշի Ռիո-2016-ի օլիմպիական փոխչեմպիոն, հունահռոմեական ոճի ըմբիշ Միհրան Հարությունյանը: NEWS.am Sport-ը ներկայացնում է միջոցառման ուղիղ հեռարձակումը:

Հայաստանը ներկայացնող Միհրան Հարությունյանը առաջին փորձն է անում խառը մենամարտերում: Օլիմպիական խաղերից հետո Հայաստանի հավաքականի անդամն ուսի վնասվածքի պատճառով դադարեցրեց մրցելույթները հավաքականի կազմում: Որոշ ժամանակ անց օլիմպիական փոխչեմպինը հանդես եկավ խառը մենամարտերում ուժերը փորձելու ցանկության հայտարարությամբ: Միհրան Հարությունյանը պայմանագիր կնքեց Fight Nights Global պրոմոութերական ընկերության հետ եւ մայիսի 19-ին առաջին անգամ դուրս կգա MMA-ի ռինգ: Միհրան Հարությունյանի մրցակիցը իրանցի Ալի Յուսեֆին է, որը խառը մենամարտերում արդեն անցկացրել է 9 մենամարտը՝ 6 հաղթանակով եւ 3 պարտությունով:

Միհրան Հարությունյանը մենամարտին պատրաստվել է 3 ամիս մարզումներ անցկացնելով ԱՄՆ-ում եւ Ռուսաստանում: Հայ ըմբիշին MMA-ում պայքարի մեջ մտնելու համար պատրաստել են խառը մենամարտերի մարզիչներ Անդրանիկ Էնդի Դերմեջիանը եւ Ռոմա Քալանթարյանը:

Միհրան Հարությունյանի մասնակցությամբ Fight Nights Global-ի կազմակերպած մրցաշարն անցկացվում է Ռոստովի «КСК Экспресс» արենայում: Այս մարզահամերգային համալիրը գտնվում է Ռոստովի կենտրոնում՝ Վիտի Չերեվիչկինայի անվան այգում: Արենայում անցկացվում են ոչ միայն մարզական իրադարձություններ, այլ նաեւ համերգային ծրագրեր, ցուցահանդեսեր, պարային մրցույթներ: Բայց համալիրը նախատեսված է մասնավորապես մարզական միջոցառումներ համար: Արենայի մարզադահլիճը հարմարեցված է բասկետբոլային հանդիպումների համար: Այստեղ իրենց տնային հանդիպումներն են անցկացնում Ռոստովի բասկետբոլային «Ատաման» ակումբը, եւ կանանց՝ «Ռոստով-Դոն» ակումբը: Մարզահամերգային համալիրն այդքան էլ մեծ չէ, նախատեսված է մինչեւ 2000 հանդիսատեսի համար:

Լուսինե Շահբազյան՝ Ռոստովից



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.