Եվրոպայի լիգան ունեցավ 2 լավագույն ռմբարկու
13:33 17 մայիսի, 2018Ֆուտբոլի Եվրոպայի լիգայի ավարտված մրցաշարում լավագույն ռմբարկու դարձան Հռոմի «Լացիոյի» իտալացի հարձակվող Չիրո Իմոբիլեն ու Բիլբաոյի «Աթլետիկի» իսպանացի հարձակվող Արից Ադուրիսը: 2 ֆուտբոլիստներն էլ խփեցին 8-ական գոլ: Դրա համար 28-ամյա Իմոբիլեից պահանջվեց 9 հանդիպում, իսկ 37-ամյա Ադուրիսից՝ 10:
Ռմբարկուների ցուցակում երրորդ տեղը գրավեց Կիեւի «Դինամոյի» բրազիլացի հարձակվող Ժունիոր Մորաեսը, որը խփել է 7 գոլ: Եվրոպայի լիգայի եզրափակիչում դուբլի հեղինակ դարձած ֆրանսիացի Անտուան Գրիզմանը 6 գոլով բաժանեց 4-9-րդ տեղերը:
Հիշեցնենք, որ եզրափակիչում Մադրիդի «Աթլետիկոն» 3:0 հաշվով հաղթել էր ֆրանսիական «Մարսելին» եւ երրորդ անգամ դարձել Եվրոպայի լիգայի գավաթակիր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։