Բուֆոնը ավարտում է կարիերան

19:27   16 մայիսի, 2018

Թուրինի «Յուվենտուսի» դարպասապահ Ջանլուիջի Բուֆոնը հեռանում է մեծ ֆուտբոլից։ Ֆուտբոլիստի գործակալ Սիլվանո Մարտինոն հայտնել է, որ 40-ամյա դարպասապահը ավարտում է կարիերան։

«Չի լինի այնպիսի հրաժեշտ, ինչպես եղավ Տոտիի դեպքում, դա բնորոշ է միայն Հռոմին։ Բուֆոնը կհեռանա այնպես, ինչպես հեռացավ Դել Պիերոն․ կլինեն արցունքներ, բայց զուսպ։ Ինձ համար հաճելի էր ուղեկցել ֆուտբոլի պատմության լավագույն դարպասապահին։ Ավելին ասել չեմ կարող, Բուֆոնը անձամբ կպատմի ձեզ»,- Մարտինոյի խոսքն է փոխանցում Juvenews.eu-ն։

Մայիսի 19-ին, Իտալիայի առաջնության վերջին՝ 38-րդ տուրում «Յուվենտուսը» կխաղա «Վերոնայի» հետ։  

«Յուվենտուսը», Իտալիայի առաջնության ավարտից մեկ տուր առաջ ապահովել է չեմպիոնի տիտղոսը։ Բուֆոնն էլ առաջին ֆուտբոլիստն է, որ դառնում է Իտալիայի 9-ակի չեմպիոն: 



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։