Էդգար Բաբայան. Անհամբերությամբ եմ սպասում Հայաստանի հավաքականին միանալուն
16:10 15 մայիսի, 2018Դանիական «Հոբրոյի» կիսապաշտպան Էդգար Բաբայանը մեկնաբանել է ֆուտբոլի Հայաստանի ազգային հավաքականից ստացած հրավերը:
«Հպարտ եմ, որ հրավիրվել եմ Հայաստանի ազգային հավաքական եւ անհամբերությամբ եմ սպասում թիմին միանալու պահին: Աջակցության համար շնորհակալ եմ բոլոր ակումբակիցներիս, մարզիչներին ու «Հոբրոյի» ներկայացուցիչներին»,- Բաբայանի խոսքը մեջբերում է ակումբի կայքը:
Հիշեցնենք, որ Էդգար Բաբայանը Հայաստանի հավաքական էր հրավիրվել Մալթայի (մայիսի 29) եւ Մոլդովայի (հունիսի 4) դեմ Ավստրիայում կայանալիք ընկերական խաղերի համար: «Հոբրոյի» կազմում նա անցկացրել է 38 հանդիպում՝ դառնալով 4 գոլի ու 4 գոլային փոխանցման հեղինակ: Ավելի վաղ Բաբայանը NEWS.am Sport-ի թղթակից հետ զրույցում խոսել էր Հայաստանի հավաքականից ստացած հրավերի մասին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։