Արաբ մրցավարը որակազրկվել է և չի սպասարկի ԱԱ-ի հանդիպումները
01:02 15 մայիսի, 2018Սաուդյան Արաբիայի ֆուտբոլի ֆեդերացիան որակազրկել է մրցավար Ֆահադ Ալ-Միրդասիին։ 32-ամյա մրցավարը փորձել է պայմանավորված հանդիպում կազմակերպել։
Ալ-Միրդասին պետք է դատեր երկրի գավաթի եզրափակիչ հանդիպումը։ Սաուդյան Արաբիայի ֆուտբոլի ֆեդերացիայի տարածած հայտարարությունում ասվում է, որ մրցավարը հաղորդագրություն է գրել թիմերից մեկի ղեկավարին և առաջարկել է ապահովել անհրաժեշտ արդյունք՝ գումարի դիմաց։ Մրցավարը այժմ ոստիկանությունում է, հաղորդում է AS-ը։
Ալ-Միրդասին, ով 2017-ին սպասարկել էր Կոնֆեդերացիաների գավաթի խաղարկության Պորտուգալիա – Մեքսիկա հանդիպումը, ընդգրկված է աշխարհի 2018 թվականի առաջնության մրցավարների ցանկում, սակայն արդեն համապատասխան նամակն ուղարկվել է ՖԻՖԱ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.