Գերմանական երկրորդ Բունդեսլիգայի վերջին՝ 34-րդ տուրում «Յան Ռեգենսբուրգը» մրցակցի դաշտում ոչ ոքի խաղաց «Բոխումի» հետ՝ 1:1: Դաշտի տերերը պարտությունից խուսափեցին 87-րդ րոպեին խփած գոլի շնորհիվ:
Հայաստանի ազգային հավաքականի հարձակվող Սարգիս Ադամյանը հյուրերի մեկնարկային կազմում անցկացրեց ամբողջ հանդիպումը եւ գոլային փոխանցման հեղինակ դարձավ 64-րդ րոպեին (տեսանյութ):
«Ռեգենսբուրգը» վաստակեց 48 միավոր եւ երկրորդ Բունդեսլիգայում իր առաջին մրցաշրջանում գրավեց 5-րդ տեղը: Նույնքան միավոր ունեն նաեւ չորրորդ տեղը գրաված «Արմինիան» ու 6-րդ տեղում հայտնված «Բոխումը»:
«Նյուրնբերգն» ու «Դյուսելդորֆը» նվաճեցին Բունդեսլիգայի ուղեգիր, իսկ երրորդ տեղը զբաղեցրած «Հոլստեյն Կիլը» «Վոլֆսբուրգի» հետ անցումային խաղեր կանցկացնի ուժեղագույնների լիգայում հայտնվելու համար:
Հիշեցնենք, որ Սարգիս Ադամյանը հրավիրվել է Հայաստանի ազգային հավաքական՝ մասնակցելու Մալթայի (մայիսի 29) եւ Մոլդովայի (հունիսի 4) դեմ Ավստրիայում կայանալիք ընկերական խաղերին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։