Մադրիդի «Ռեալի» գլխավոր մարզիչ Զինեդին Զիդանը մեկնաբանել է ֆրանսիական ՊՍԺ-ի բրազիլացի հարձակվող Նեյմարի հնարավոր տեղափոխությունը Արքայական ակումբ։ Ֆրանսիացին խոսել է նաև Նեյմարի և Ռոնալդուի համատեղության մասին։
«Բարձրակարգ ֆուտբոլիստները միշտ էլ ընդհանուր լեզու գտնում են։ Հիշում եմ, որ ժամանակին ասում էին, թե ես և Ջորկաեֆը անհամատեղելի ենք, սակայն մենք միասին խաղալով հաղթեցինք աշխարհի առաջնությունում (1998)»,- Զիդանի խոսքն է փոխանցում sport.es-ը։
«Ռեալի» գլխավոր մարզիչը հավելել է, որ տեղյակ չէ, արդյո՞ք բանակցություններ ընթանում են Նեյմարի տեղափոխության շուրջ։
«Ես անձամբ Նեյմարի հետ չեմ խոսել։ Նման հարցերին չեմ միջամտում։ Հարկավոր է ավարտին հասցնել մրցաշրջանը, մնացածը՝ հետո»,- ասել է Զիդանը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։