Թինա Կարապետյանը հրաժեշտ է տվել Սիմոն Սենեկալին

10:23   7 մայիսի, 2018

Կանադահայ գեղասահորդուհի Թինա Կարապետյանը այլեւս հանդես չի գա կանադացի Սիմոն Սենեկալի հետ: Այդ մասին 20-ամյա մարզուհին հայտնել է ֆեյսբուքյան էջում:

Վերջին տարիներին Թինա Կարապետյանն ու Սիմոն Սենեկալը գեղասահքի պարային զույգերի մրցաշարերում ներկայացնում էինք Հայաստանը:

«3 տարի միասին սահելուց հետո մենք որոշեցինք բաժանվել: Հաջողություն եմ մաղթում Սիմոնին, ինչպես նաեւ ցանկանում եմ գտնել լավ զուգընկեր, որն ինձ հետ կմասնակցի 2022-ի Օլիմպիական խաղերին: Եթե դուք գիտեք հետաքրքրված մարդկանց, ապա կարող եք դիմել ինձ ու մարզիչներիս: Բոլորին շնորհակալ ու երախտապարտ եմ աջակցության համար»,- գրել է Կարապետյանը:

Հիշեցնենք, որ Թինա Կարապետյանը եւ Սիմոն Սենեկալը 2015 թվականից էին հանդես գալիս միասին: Նրանք Հայաստանը ներկայացրել են մի շարք մրցաշարերում, այդ թվում՝ գեղասահքի աշխարհի ու Եվրոպայի առաջնություններում:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։