Միհրան Հարությունյանը պատրաստվում է MMA-ում կատարել իր սիրելի հնարքը
15:19 6 մայիսի, 2018Ռիո-2016-ի օլիմպիական փոխչեմպիոն, հունահռոմեական ըմբշամարտի Հայաստանի հավաքականի անդամ Միհրան Հարությունյանը պատմել է, որ խառը մենամարտերում առաջին մրցելույթի ժամանակ ցանկանում է կատարել իր հայտնի հնարքը: Fight Nights Global-ի կազմակերպած մրցաշարը կայանալու է մայիսի 19-ին Ռոստովում, իսկ 29-ամյա ըմբիշի մրցակիցը դեռ հայտնի չէ:
«Այո, ես սիրում եմ մրցակիցներին պտտել օդում: Դա իմ սիրելի հնարքներից է: Մայիսի 19-ին կփորձեմ այդ հնարքը կատարել նաեւ FN GLOBAL 87 մրցաշարում: Բարդ կլինի մրցակցին նետել վանդակից դուրս, քանի որ ցածրահասակ եմ դրա համար»,- Միհրան Հարությունյանի խոսքը մեջբերում է mmaboxing.ru-ն:
Հիշեցնենք, որ Միհրան Հարությունյանն ըմբշամարտի մրցագորգից բացակայում է Օլիմպիական խաղերից հետո: Ռիո-2016-ում նա հանդես էր եկել ուսի վնասվածքով, իսկ եզրափակիչում խայտառակ կողմնակալ մրցավարության պատճառով պարտվել է սերբ Դավոր Շտեֆանեկին։ Դրանից հետո հայ ըմբիշը մի քանի վիրահատության է ենթարկվել Գերմանիայում, Լեհաստանում եւ Մոսկվայում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։