Պրոֆեսիոնալ բռնցքամարտի միջին քաշային կարգում WBC, WBA Super, IBF եւ IBO վարկածներով աշխարհի չեմպիոն, ղազախ Գենադի Գոլովկինն անդրադարձել է ամերիկահայ Վանես Մարտիրոսյանի հետ մենամարտին, որում նա հայ բռնցքամարտիկին նոկաուտի էր ենթարկել երկրորդ ռաունդում:
«Հրաշալի եմ զգում ինձ: Ես վերադարձել եմ: Վանեսը հրաշալի մարտիկ է, նա մի քանի լավ հարված հասցրեց: Առաջին ռաունդում կարծում էի, որ գործը լուրջ է լինելու, սակայն երկրորդում ամեն բան ավարտվեց:
Պատրաստ եմ մենամարտել ցանկացած մրցակցի հետ: Ես 9 տարի չեմպիոն եմ: Եթե ցանկանում եք, եկեք եւ վերցրեք իմ տիտղոսները»,- 36-ամյա Գոլովկինի խոսքը մեջբերում է Sports.kz-ն:
Հիշեցնենք, որ այդ մենամարտում Գենադի Գոլովկինը պաշտպանել էր միջին քաշային կարգում (72,6 կգ) WBC, WBA եւ IBO վարկածներով աշխարհի չեմպիոնի տիտղոսները:
Ղազախ բռնցքամարտիկն այդ քաշային կարգում 20-րդ անգամ պաշտպանեց չեմպիոնական տիտղոսները՝ այդ ցուցանիշով կրկնելով ամերիկացի Բերնարդ Հոպկինսի ռեկորդը:
31-ամյա Մարտիրոսյանը նախորդ մենամարտն անցկացրել էր 2016 թվականի մայիսին՝ մրցավարների միաձայն որոշմամբ պարտվելով առաջին միջին քաշային կարգում IBO եւ WBA վարկածներով աշխարհի չեմպիոն Էրիսլանդի Լարային։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։