ԱԱ-2018-ի քաղաքներում հատուկ ռեժիմ է գործելու նաեւ Հայաստանի քաղաքացիների համար

14:19   6 մայիսի, 2018

Հայաստանի արտաքին գործերի նախարարությունը հայտարարությամբ է հանդես եկել Ռուսաստանում կայանալիք ֆուտբոլի 2018թ. աշխարհի առաջնությանը մեկնել ցանկացող հայ երկրպագուների համար, փոխանցում է նախարարության մամուլի ծառայությունը:

Հայտարարությունում նշվում է, որ անվտանգության նկատառումներով ԱԱ-2018-ի ժամանակ Ռուսաստանի որոշ քաղաքներում մայիսի 25-ից հուլիսի 25-ը գործելու է հատուկ ռեժիմ: Հայաստանի քաղաքացիները Ռուսաստանի այդ քաղաքներ մուտք գործելուց հետո 24 ժամվա ընթացքում պետք է հաշվառվեն Ռուսաստանի ներքին գործերի նախարության համպատասխան տարածքային մարմնում:

Հիշեցնենք, որ աշխարհի առաջնության եզրափակիչ մրցաշարը կանցկացվի հունիսի 14-ից հուլիսի 15-ը Ռուսաստանի 11 քաղաքներում՝ Մոսկվայում, Սանկտ Պետերբուրգում, Սոչիում, Կազանում, Նիժնի Նովգորոդում, Սարանսկում, Սամարայում, Դոնի Ռոստովում, Վոլգոգրադում, Կալինինգրադում եւ Եկատերինբուրգում: Աշխարհի չեմպիոնի տիտղոսը կպաշտպանի Գերմանիայի հավաքականը: Խմբային փուլի վիճակահանությունը կայացել էր դեկտեմբերի 1-ին Մոսկվայում։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.