Ղազախ Գենադի Գոլովկինը պաշտպանել է պրոֆեսիոնալ բռնցքամարտի միջին քաշային կարգում (72,6 կգ) WBC, WBA եւ IBO վարկածներով աշխարհի չեմպիոնի տիտղոսները:
Լոս Անջելեսի մոտակայքում գտնվող StubHub Center մարզապալատում կայացած մենամարտում 35-ամյա Գոլովկինը հանդիպել է ամերիկահայ Վանես Մարտիրոսյանի հետ, որին նոկաուտի է ենթարկել երկրորդ ռաունդում:
Այդ հաղթանակի համար ղազախ բռնցքամարտիկը կստանա մեկ միլիոն դոլար, իսկ 31-ամյա Մարտիրոսյանը՝ 250 հազար դոլար:
Գոլովկինը 19-րդ անգամ պաշտպանեց WBA-ի չեմպիոնական գոտին: Այժմ նա պետք է IBF-ի գոտին պաշտպանի ուկրաինացի Սերգեյ Դերեւյաչենկոյի հետ մենամարտում:
Հիշեցնենք, որ Վանես Մարտիրոսյանը նախորդ մենամարտն անցկացրել էր 2016 թվականի մայիսին՝ մրցավարների միաձայն որոշմամբ պարտվելով առաջին միջին քաշային կարգում IBO եւ WBA վարկածներով աշխարհի չեմպիոն Էրիսլանդի Լարային։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։