Վլադիմիր Պուտինը ներկա կլինի ԱԱ-2018-ի բացման խաղին
15:31 4 մայիսի, 2018Ռուսաստանի նախագահ Վլադիմիր Պուտինը ներկա կլինի Ռուսաստանում կայանալիք ֆուտբոլի 2018թ. աշխարհի առաջնության բացման խաղին, որում ռուսները Մոսկվայում մրցելու են Սաուդյան Արաբիայի հավաքականի հետ։ Այդ մասին հայտարարել է Ռուսաստանի նախագահի մամուլի խոսնակ Դմիտրի Պեսկովը։ Դեռ հայտնի չէ, թե արդյոք Վլադիմիր Պուտինը ներկա է լինելու ԱԱ-2018-ի մյուս խաղերին։
«Առայժմ վստահորեն կարող եմ ասել, որ նախագահը ներկա կլինի աշխարհի առաջնության բացման խաղին։ Դա Ռուսաստանի եւ Սաուդյան Արաբիայի հավաքականների հանդիպումն է»,- Պեսկովի խոսքը մեջբերում է «Лайф»-ը։
Հիշեցնենք, որ աշխարհի առաջնության եզրափակիչ մրցաշարը կանցկացվի հունիսի 14-ից հուլիսի 15-ը Ռուսաստանի 11 քաղաքներում՝ Մոսկվայում, Սանկտ Պետերբուրգում, Սոչիում, Կազանում, Նիժնի Նովգորոդում, Սարանսկում, Սամարայում, Դոնի Ռոստովում, Վոլգոգրադում, Կալինինգրադում եւ Եկատերինբուրգում: Աշխարհի չեմպիոնի տիտղոսը կպաշտպանի Գերմանիայի հավաքականը: Խմբային փուլի վիճակահանությունը կայացել էր դեկտեմբերի 1-ին Մոսկվայում։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.