Թենիսի 2017թ. Ավստրալիայի բաց առաջնությունում Սերենա Ուիլյամսը ոչ մի սեթ տանուլ չէր տվել հանուն իր երեխայի, որպեսզի որքան հնարավոր է շուտ հեռանա կորտից, ասել է ամերիկացի թենիսիստուհի ամուսին, ամերիկահայ գործարար Ալեքսիս Օհանյանը:
HBO հեռուստաալիքը սկսել է «Լինել Սերենա» վավերագրական սերիալի ցուցադրությունը: Առաջին սերիայում անդրադարձ է եղել մարզուհու հղիությանը: Անցած տարվա AusOpen-ին Ուիլյամսը մասնակցել էր հղի, սակայն այդ մասին հայտարարություն չէր արել: Նա նվաճել էր չեմպիոնի կոչումը՝ եզրափակիչում պարտության մատնելով ավագ քրոջը՝ Վինուսին:
«Մրցաշարի մեկնարկից անմիջապես առաջ էր հղիության թեստը դրական եղել: Ավստրալիայում էի, երբ երազ տեսա, թե հղի եմ: Արթնացա, կարծես ամբողջովին իրականություն լիներ երազս: Այն ժամանակ հղի լինելուս շանսերը գրեթե զրոյական էին: Բայդ այդպես պատահեց»,- պատմել է Սերենան:
Հիշեցնենք, որ եզրափակիչում Սերենան քրոջը հաղթել էր երկու սեթում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։