Գոլովկինի մրցակիցներից շատերը պարտվել են, քանի որ վախեցել են, ասել է ամերիկահայ պրոֆեսիոնալ բռնցքամարտիկ Վանես Մարտիրոսյանը՝ խոսելով WBC, WBA Super, IBF եւ IBO վարկածներով աշխարհի չեմպիոն, Ղազախստանի ներկայացուցիչ Գենադի Գոլովկինի հետ առաջիկա մենամարտի մասին:
«Ես չեմ պատրաստվում ռինգ դուրս գալ վախեցած: Ես Գոլովկինից չեմ վախենում: Պատրաստվում են անել իմ գործը եւ հաճույք ստանալ: Ես երբեք չեմ հրաժարվում մենամարտերից: Բոլորը կտեսնեն իմ լավագույն վարկածը»,- Վանես Մարտիրոսյանի խոսքը մեջբերում է BoxingScene-ը:
Հիշեցնենք, որ 36-ամյա Գոլովկինի եւ 31-ամյա Մարտիրոսյանի միջեւ մենամարտը տեղի կունենա մայիսի 5-ին Լոս Անջելեսի մոտակայքում գտնվող StubHub Center մարզապալատում, որն ունի մոտ 8 հազար նստարան:
Հայ բռնցքամարտիկը նախորդ մենամարտն անցկացրել է 2016 թվականի մայիսին՝ մրցավարների միաձայն որոշմամբ պարտվելով առաջին միջին քաշային կարգում IBO եւ WBA վարկածներով աշխարհի չեմպիոն Էրիսլանդի Լարային։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։