Շատ բան եմ սովորել Ինյեստայից, շատ շնորհակալ եմ նրան, ասել է «Բարսելոնայի» նախկին գլխավոր մարզիչ, անգլիական «Մանչեսթեր Սիթին» գլխավորող Խոսեպ Գվարդիոլան՝ անդրադառնալով իսպանացի կիսապաշտպանի հայտարարությանը կատալոնական ակումբից հեռանալու մասին:
«Կատալոնական թիմի նախորդ 15 տարվա պատմությունը այսպիսինը չէր լինի առանց Ինյեստայի: Ես պետք է երախտապարտ լինեմ նրան: Ինյեստան օգնեց ինձ ավելի լավ հասկանալ ֆուտբոլը՝ միայն նրա խաղին հետեւելով: Նրան լավագույնն եմ մաղթում ապագայում: Հույս ունեմ, որ կարիերան ավարտելուց հետո Ինյեստան կվերադառնա «Բարսելոնա» եւ պատանի ֆուտբոլիստներին կփոխանցի փորձը»,- Գվարդիոլայի խոսքը մեջբերում է Goal.com-ը:
Հիշեցնենք, որ Ինյեստան հայտարարել է մրցաշրջանի ավարտից հետո «Բարսելոնայից» հեռանալու մասին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։