Անգլիայի ֆուտբոլային ասոցիացիան մտադիր է վաճառել Լոնդոնի «Ուեմբլի» ստադիոնը: Այն գնելու ցանկություն ունի պակիստանյան ծագումով գործարար Շահիդ Խանը, որին են պատկանում ամերիկյան ֆուտբոլի Ազգային ֆուտբոլային լիգայի «Ջեքսոնվիլ» ակումբը եւ անգլիական Չեմպիոնշիփում հանդես եկող «Ֆուլհեմը»:
Գործարքի գումարը գնահատվում է կես միլիարդ ֆունտ ստերլինգ: Անգլիայի ֆուտբոլային ասոցիացիան հաստատել է, որ ստադիոնը գնելու վերաբերյալ առաջարկ կա, հաղորդում է standard.co.uk-ը:
Սպասվում է, որ Անգլիայի ազգային հավաքականը «Ուեմբլիի» վաճառքից հետո ավելի շատ հանդիպումներ կանցկացնի երկրի այլ քաղաքներում:
Հին «Ուեմբլի» ստադիոնի տեղում 2003-2007 թվականներին կառուցված նոր ստադիոնն ունի 90 հազար տեղ, շինարարության արժեքը եղել է 800 միլիոն ֆունտ ստերլինգ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։