Ամերիկյան «Լոս Անջելես Գելաքսիի» շվեդ հարձակվող Զլատան Իբրահիմովիչը չի մասնակցի հունիս-հուլիսին Ռուսաստանում անցկացվելիք աշխարհի առաջնությանը: Շվեդիայի ֆուտբոլային ասոցիացիան հայտարարել է, որ Իբրահիմովիչը հրավեր չի ստանա Շվեդիայի ազգային հավաքականից:
«Ես զրուցել եմ Զլատանի հետ երեկ: Ասում էին, թե նա ցանկանում է վերադառնալ ազգային հավաքական, բայց դա այդպես չէ»,- հավաքականի գլխավոր մենեջեր Լարս Ռիխտի խոսքը մեջբերում է svenskfotboll.se-ն:
Ավելի վաղ Իբրահիմովիչը հայտարարել էր, որ աշխարհի առաջնությունն առանց իր մասնակցության չի լինի իսկական աշխարհի առաջնություն։ Իբրահիմովիչը կարիերան ազգային հավաքականում ավարտել է 2016թ. հունիսին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։