Իտալական «Ռոմայի» գլխավոր մարզիչ Էուսեբիո Դի Ֆրանչեսկոն հավատում է, որ Չեմպիոնների լիգայի կիսաեզրափակիչում իր ղեկավարած թիմը կկարողանա հաղթահարել «Լիվերպուլի» արգելքը: Անգլիայում տեղի ունեցած առաջին խաղում հռոմեացիները պարտվել են 2:5 հաշվով:
«Հարկավոր չեն հրաշքներ «Ռոմային»: Պարզապես պետք է հավատանք մեզ, ինչպես «Բարսելոնայի» դեմ խաղում էր: Հարկավոր է նաև երկրպագուներից համապատասխան աջակցություն ստանալ: Ես եմ պատասխանատու արդյունքի համար, բայց մենք դեռ կիսաեզրափակիչում ենք:
Վերջին 30 տարում սա «Ռոմայի» առաջին կիսաեզրափակիչն է: Սովոր չենք այս մրցաշարին, բայց պայքարը դեռ ավարտված չէ: Ովքեր չեն հավատում «Ռոմայի» քամբեքին, թող տանը մնան»,- իտալացի մասնագետի խոսքն է մեջբերում goal.com-ը:
Հիշեցնենք, որ քառորդ եզրափակիչում «Ռոման» առաջին խաղում 1:4 հաշվով պարտվել էր «Բարսելոնային», սակայն երկրորդում առավելության էր հասել` 3:0:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։