Տուխելը ցանկանում է ՊՍԺ հրավիրել 3 ֆուտբոլիստների Բունդեսլիգայից
20:19 25 ապրիլի, 2018Թոմաս Տուխելը, ով ֆրանսիական մամուլի տեղեկությամբ դառնալու է «Պարի Սեն Ժերմենի» հաջորդ գլխավոր մարզիչը, կազմել է այն ֆուտբոլիստների ցանկը, որոնց ցանկանում է հրավիրել փարիզյան ակումբ, հաղորդում է Le Parisien-ը:
Գերմանացի մասնագետը մտադիր է ֆրանսիական թիմում ամրապնդել ձախ պաշտպանի, կենտրոնական պաշտպանի ու կենտրոնական կիսապաշտպանի դիրքերը:
Ձախ պաշտպանի դիրքի համար Տուխելն առաջարկում է ձեռք բերել «Աուգսբուրգը» ներկայացնող Ֆիլիպ Մաքսին, որի տրանսֆերը գնահատվում է 20-25 միլիոն եվրո:
Կենտրոնական պաշտպանի դիրքում նախընտրելի տարբերակը Դորտմունդի «Բորուսիայում» հանդես եկող Օմեր Տոպրակն է:
ՊՍԺ-ում նոր կիսապաշտպանի հիմնական թեկնածու է համարվում «Շալկեի» ֆուտբոլիստ Մաքս Մայերը: Գերմանացու պայմանագրի ժամկետն ամռանը լրանալու է, և նա ստանալու է ազատ խաղացողի կարգավիճակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։