Ռոնալդուն «Բավարիայի» դեմ խաղից առաջ եղել է իր հյուրանոցում (ֆոտո)
10:11 25 ապրիլի, 2018Մադրիդի «Ռեալի» պորտուգալացի հարձակվող Կրիշտիանու Ռոնալդուն Մյունխենի «Բավարիայի» դեմ Չեմպիոնների լիգայի կիսաեզրափակիչի առաջին խաղից առաջ եղել է Լիսաբոնում գտնվող իր հյուրանոցում: 33-ամյա ֆուտբոլիստի հետ է եղել նաեւ նրա ընկերուհին՝ Ջորջինիա Ռոդրիգեսը:
«Հյուրանոցում լիցքաթափվում եմ իմ փոքրիկի հետ»,- Ինստագրամում գրել է Ռոնալդուն:
Հիշեցնենք, որ «Ռեալի» ու «Բավարիայի» միջեւ հանդիպումը կկայանա ապրիլի 25-ին՝ Երեւանի ժամանակով 22:45-ին, Մյունխենում:
Նախորդ տարվա նոյեմբերին իսպանացի մոդել Ջորջինիա Ռոդրիգեսը դուստր էր ունեցել պորտուգալացի հարձակվողից։ Դա Ռոնալդուի չորրորդ զավակն էր, որին անվանակոչել էին Ալանա Մարտինա:
Նախորդ տարվա հունիսի 8-ին Պորտուգալայի հավաքականի ավագը նաեւ երկվորյակների հայր էր դարձել: ԱՄՆ-ում բնակվող փոխնակ մայրը Ռոնալդուից ունեցել էր որդի եւ դուստր: Երկվորյակներին անվանակոչել էին Եվա ու Մատեո: Պորտուգալացի հարձակվողի 7-ամյա որդին՝ Կրիշտիանու կրտսերը եւս ծնվել է փոխնակ մորից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։